बेरीज बिनहातच्याची Go Back उजळणी: दोन अंकी संख्यांची बेरीज views 6:28 आज आपण दोन अंकी संख्यांच्या बेरजेचा सराव करूया. २३ + ३२ = ? सांगा २३ मध्ये किती एकक आणि किती दशक आहेत? 3 एकक आणि २ दशक बरोबर! ३२ मध्ये किती एकक किती दशक आहेत? २ एकक आणि ३ दशक. मग आता यांची मांडणी मी कशी करू? २३ मधील २ दशकाच्या घरात आणि ३ एककाच्या घरात लिहा. तसेच ३२ मधील ३ दशकाच्या घरात आणि २ एककाच्या घरात लिहा. अगदी बरोबर! आतापर्यंत प्रत्येक वेळेस मी तुम्हांला गणिते देत होते आणि तुम्ही त्यांची उत्तरे सांगत होता. पण आता तुम्हांला स्वत:लाच गणिते तयार करायची आहेत. मात्र गणिते तयार करताना एक लक्षात ठेवा: एककात किंवा दशकातील कोणत्याही दोन संख्या अशा असाव्यात ज्यांचे उत्तर ९ पर्यंतच असेल. उदा. २+७, ३+५, ३+३. पाहिलंत या एक अंकी संख्या आहेत. पण या सर्व संख्यांची बेरीज ९ पर्यंतच येते. तसेच जर दोन अंकी संख्या घेतल्या तर १७+२१, ४५+५२, ३५+३२. अशा प्रकारची गणिते तुम्हांला तयार करायची आहेत. खूपच छान! आता तुम्ही सर्वजण एक अंकी आणि दोन अंकी संख्यांची बेरजेची गणिते सहज तयार करू शकता आणि सोडवू शकता. प्रस्तावना बेरीज बिनहातच्याची उजळणी: दोन अंकी संख्यांची बेरीज