गुणाकार भाग १ Go Back तीन अंकी संख्येला दोन अंकी संख्येने गुणणे views 5:03 तीन अंकी संख्येला दोन अंकी संख्येने गुणणे : मुलांनो, आता आपण तीन अंकी संख्येला दोन अंकी संख्येने कसे गुणायचे याचा अभ्यास करूया. त्यासाठी काही उदाहरणे सोडवू. उदाहरण १ : भाताची लावणी करताना एका रांगेत २४४ रोपे, याप्रमाणे २८ रांगा लावून झाल्या. तर एकूण किती रोपे लावून झाली? उत्तर: मुलांनो, येथे तीन अंकी संख्येला दोन अंकी संख्येने गुणायचे आहे. म्हणून चौकटी पद्धतीने गुणाकार करताना आता आपल्याला दोन्ही संख्यांचा म्हणजेच गुण्य व गुणक संख्यांचा विस्तार करावा लागेल. म्हणून आपण त्यांचा विस्तार करून घेऊ. २४४ = २०० + ४० + ४ आणि २८ = २० + ८ असा या संख्यांचा विस्तार झाला. प्रथम आपण २०० ला २० ने गुणू. २०० आणि २० या पूर्ण शतक व पूर्ण दशक संख्या आहेत. म्हणून त्यांच्या सुरुवातीच्या अंकांचा गुणाकार करून त्यानंतर जेवढी शून्ये असतील ती मोजून त्यापुढे लिहू. म्हणजेच २०० × २०= ४००० झाले. आता २० ने ४० ला गुणू. सुरुवातीला २ व ४ यांचा गुणाकार करू व त्यापुढे शून्ये लिहू. २ × ४ = ८ आणि त्यापुढे दोन शून्ये लिहिली असता ८०० झाले. आता २० व ४ यांचा गुणाकार करू. २० × ४ = ८० झाले. आता दुसऱ्या ओळीतील ८ ने २०० ला गुणू, २०० ×८ = १६००. हे ४००० च्या खालच्या चौकटीत लिहू. नंतर ४० ला ८ ने गुणू, ४० × ८ = ३२० झाले. ते ८०० च्या खालच्या चौकटीत लिहू. शेवटी ८ व ४ यांचा गुणाकार करू. तो ३२ आहे. आणि तो ८० च्या खालच्या चौकटीत लिहू. आता सर्व गुणाकार एका बाजूला उभ्या मांडणीत मांडून त्यांची बेरीज करू. पहा ४००० + १६०० + ८०० +३२० + ८० + ३२ = ६८३२ म्हणजेच एकूण ६८३२ रोपे लावून झाली. गुणाकार (दोन अंकी संख्येला एक अंकीने गुणणे) दोन अंकी संख्येला दोन अंकी संख्येने गुणणे तीन अंकी संख्येला गुणणे तीन अंकी संख्येला एक अंकी संख्येने गुणणे तीन अंकी संख्येला दोन अंकी संख्येने गुणणे